Заменик градоначалникот на Општина Штип, Јане Миланов заедно со директорот на ЈП „Исар“, Живко Тасев извршија увид ви градежните зафати за реконструкција и адаптација на Филтер станицата.

Се работи на замена на доводот во Филтер станицата и вградување на мерач на проток.

„Можам со задоволство да констатирам дека работите се одвиваат со потребната динамика и она што е важно за граѓаните да очекуваат дека во текот на денешниот ден ќе добијат вода за пиење,“ истакна заменик градоначалникот Јане Миланов.

Општина Штип со приклучувањето кон хидросистемот „Злетовица“ ќе добие нови 300 литри во секунда вода.

Овој проект ќе чини околу 4,5 милиони евра и Штип ќе биде еден од ретките градови кои ќе имаат два системи на водоснабдување, односно бунарски систем и површинска вода.

Ова ќе биде решение за водоснабдување за идните триесетина години.