Градоначалникот на Општина Штип, Благој Бочварски за викендов беше во посета на градот Копер во Р.Словенија. Тој остварил средба со градоначалникот на Копер при што разговарал за искуствата во делот на спортот, но и за проекти кои ќе донесат заштеда на енергијата во локалните иснтитуции.

Тој забележа дека од градоначалникот на Копер кој 15 години ја добива довербата од граѓаните има што да се научи, а исто така оваа општина е со скоро ист број на жители како што е Штип. Се очекува соработката да се продлабочи, а во наредниот период очекува градовите Штип и Копер да се збратимат.

- Посетивме знаменитости, спортските терени на фудбалскиот клуб, каде што можеме да научиме и да воспоставиме соработка во наредниот период на полето на спортот. Но и да добиеме информации и за сите проекти, кои тие веќе ги применуваат, во делот на пример заштеда на енергија, на возила, автобуси кои што се електрични, кои заштедуваат многу енергија, потоа енергетски ефикасни објекти, вели Бочварски.