За информација на граѓаните и на опозициската партија, во период на ладни температури и врнежи од снег, невозможни се градежни зафати.

Во идниот период, се очекува затоплување и секако локалната власт ќе продолжи со реализирање на многу проекти коишто се барање на граѓаните, како и коритото на река Отиња.

Кога веќе се зборува за започнување и завршување на проекти, опозициската партија треба да ја извести јавноста зошто на седница на Совет на Општина Штип, гласаше воздржано за нова детска градинка во населба Сењак, чијашто изградба е веќе започната.

Ако на самиот почеток на мандатот на новата локална власт, во општинската каса имаше само 3 милиони денари, за само една година се вложија околу 3 милиони евра во инфраструктури кои го даваат растот и развојот на Штип.

Изградена е нова паркинг платформа, интензивно се работи на гасификација на Штип како и на брана на реката Отиња, водовод до населбата Балканска, се проектира градски стадион со над 5500 гледачи, за 10% проценти е намалена водата, која во 2011 година беше покачена за високи 39%, јавното претпријатие „Исар“ од заштеди набави нови машини, изградени и реконструирани се околу 5 километри водоводна и канализациона линија, извршена е реконструкција на постоечки и изградба на нови улици и пристапни патеки во должина од околу 7 километри, изградена и санирана е 4000 метри квадратни инфраструктура за пешаци.

Сите овие проекти и инфраструктурни зафати беа мисловна именка за граѓаните, додека ВМРО-ДПМНЕ беше власт во Општина Штип!