Градоначалникот на Штип, Благој Бочварски денес беше во посета на училиштето во с.Шашаварлија. Тој ги посети учениците како дел од пред-новогодишните средби а потоа направи и увид на изградба на патот кон Кошево и Почивало:

- Со овој проект се гради делница од еден километар.Локалниот пат се гради по сите стандарди за изведба.Вкупната инвестициона вредност на проектот по најповолната понуда изнесува околу шест милиони денари.Градежните зафати започнаа на овој месец, а временската рамка за завршување на работите е околу 40 работни дена, доколку тоа го дозволуваат временските услови. Како градоначалник на Општина Штип, настојувам во своето работење подеднакво да ги застапувам интересите и на населението од руралните средини, да бидат задоволени нивните потреби и значително да им биде подобрен квалитетот на живот. Ќе продолжиме и понатаму да работиме во интерес на нашите сограѓани на целата територија на општина Штип.

Според него, со реализацијата на овој проект, се олеснува секојдневниот живот на луѓето а се прават и инвестиции во руралната инфраструктура.

Претходно градоначалникот го посети Здружението на пензионерите каде дечиња од детска градинка имаа прием.