Од денес до четврток, Општина Штип органзиира Новогодишен базар насловен како „Новогодишна бајка“. Настанот ќе се одвива на градскиот плоштад „Слобода“.

- По повод новогодишните празници оваа година решивме да им понудиме на

граѓаните на Штип нешто поинакво од досега.За таа цел го организиравме овој настан насловен како „Новогодишна бајка“.Ќе понудиме забава за сите возрасни групи, од најмалите до возрасните. На поставените штандови ќе се нудат чај, кафе, греено вино и производи и ракотворби од локални стопанственици.Исто така, оваа бајка има и хуманитарен карактер, за што ќе биде поставена и кутијата за донации за малиот Бојан Тасев.На оваа новогодишна бајка ќе земат учество сите основни училишта од општината, градинките, градскиот хор, студијата за модерен танц, локални пејачи. Акцентот го ставаме исклучиво на граѓаните на Штип.

За оваа цел нема финансиски импликации врз буџетот на Општина Штип, туку

само добра волја и целосна посветеност на вработените во Општината - изјави Билјана Казанџиска , раководителката за јавни дејности, образование и локален економски развој.

Секое попладне од 17 до 20:00 часот, на музичка сцена ќе можат да се видат настапи на локални музичари и групи како и ученици од училиштата и дечиња од градинките.