Градоначалникот на Општина Штип, Благој Бочварски упатува честитки по повод 23 мај- Национален ден на Власите, во која се вели:

„ Дозволете ми на почетокот да го честитам денешниот ден, 23 мај – Националниот ден на Власите, на сите вас мои сограѓани, припадници на влашката заедница.

Упатувам искрени честитки со желба за понатамошен успех во промоцијата, негувањето и ширењето на традицијата и културата на Власите во Република Северна Македонија. Тоа е богатството на нашата драва.

Вие ја правите нашата држава богата земја и придонесувате за севкупниот општествен развој и напредок на Република Северна Македонија.

Нашиот град е семејство на повеќе јазици, култури и вери, тoj е мозаик со многу бои и секоја боја посебно блеска со својата убавина.

Меѓусебната почит и разбирање треба да биде ѕвездата водилка во нашето опшество, која ќе вродува само успеси и напредок.

Затоа денеска мои сограѓани, уживајте во празничниот ден и имајте пријатни семејни мигови исполнети со многу среќа и здравје.

Во иднина ќе продолжиме заедно напред кон успешната приказна – едно општество за сите, темелена единствено на взаемна почит и разбирање,“ стои во честитката од градоначалникот Бочварски.