Градоначалникот на Општина Штип, Благој Бочварски, упатува честитка до граѓаните на општина Штип по повод 8 септември – Денот на независноста на Северна Македонија, во која се вели:

„Во мое име и во име на Општина Штип упатувам честитки до сите мои сограѓани, по повод 8 септември – Денот на независноста на нашата држава.

Стремежот на македонскиот народ, да се создаде слободна и самостојна држава се остварил на денешен ден, 8 септември 1991 година.

Борбата и стремежот на дешнешните генерации е да изградиме, економски стабилна, интегрирана, безбедна и просперитетна држава.

Денот на независноста ни ги покажа најубавите бои, тоа се боите на среќата и радоста.

Почитувани сограѓани,

Да се има сопствена држава е голема привилегија, а да се зачува и да се унапредува истата е најголема одговорност. Затоа сите ние со себе носиме одговорност за успесите на нашата држава.

Нека е честит 8 септември – Ден на независноста на Македонија,“ стои во честитката од градоначалникот Бочварски.