Градоначалникот на Штип, Благој Бочварски оддржа прва средба со претставници на Невладините организации. Целта на средбата е да се воспостави соработка и да се разменат мислења околу можностите локалната самоуправа со средства од буџетот да финансира проекти од граѓанскиот и невладиниот сектор:

- Можеби средствата се ограничени, тоа е факт. Но, многу е важно како ќе се искористат тие средства наредната година, дали ќе се искористат за правилните проекти, кои се најпотребни за граѓаните на општина Штип, и дали воопшто ќе се искористат тие пари. Многу често се случува да се одвојат средства во буџетот, меѓутоа при првиот ребаланс да се повлечат затоа што немаме никаква реализација, кажа Благој Бочварски, градоначалник на Штип.

Според податоците на невладината ИНИ, општина Штип во 2013 издвоила 26,7 милиони денари за граѓанскиот сектор, додека во 2016 сумата за таа намена изнесувала 16,2 милиони денари. Градоначалникот Бочварски повика на зголемување на ефикасноста во реализацијата на проектите од страна на НВО секторот.