Во рамки на проектот „Мобилизирање за родова еднаквост“ кој беше имплементиран од страна на Реактор – Истражување во акција, а со Финснсиска поддршка на Агенцијата за меѓународен развој на САД, УСАИД, На 14 март во Скопје во Хотел ТЦЦ Гранд Плаза се одржа работилница во организација на НВО Реакор. На работилницата беше промовиран водичот „Како до родово еднаква општина?“

            Во рамки на проектот „Leading the visionaries to create waves of change for Gender Equality“ кој го спроведува Едукативно хумантарната организација – ЕХО од Штип, а е финансиски поддржан од Фондацијата Kvinna till kvinna (Жена за жена) од Шведска, од 20 до 22 декември во Дојран се одржа тридневна работилнца на тема „ Родова сензибилизација на членовите на Мултисекторските тимови на заедницата за ефикасна заштита на жени и девојчиња, жртви на насилство“.

За успешно спроведување на родовата рамноправност и еднаквите можности, покрај постоењето и функционирањето на повеќе тела во рамки на Општината, како што се: Комисијата за еднакви можности на Општина Штип, Локалното координативно тело за заштита од дискриминација, Локалната комисија за борба против трговија со луѓе, потребно е систематизирање и планирање на сите активности во стратешки документи, како што се Стратегија за родова рамноправност, Годишна програма за еднакви можности и сл. Со ваквите документи кои ќе ги донесе општината, со усвојување од страна на Светот ќе се дефинираат проекти и активности со точно утврдени цели, датум на реализација, крајни корисници, чинители кои ќе ги реализираат активностите итн.

Во рамки на Годишната програма за еднакви можности на Општина Штип за 2018 година, која беше донесена Од Комисијата за еднакви можности и Совет на Општина Штип, беше предвидена и реализација на проектот „Подигање на свеста на средношколската младина за сексуално преносливи болести и можните последици од нив во насока на превенција на истите“.

На 29 ноември во Општина Штип беше одржана прес конференција за промовирње на два спота за заштита од дискриминација, како дел од локалната кампања за заштита од дискриминација на локално ниво, која пак беше планирана со Локален акциски план за заштита од дискриминација на Општина Штип за 2018 година.

Во рамки на Програмата за градење на капацитети на невладините организации од Молдавија, Романија, Албанија и Македонија за родово одговорни анализи на локални политики и буџети, кој е финансиски поддржан од UN Women, Тело на Обединети Нации за родова еднаквост и зајакнување на жените, Штип се најде меѓу трите града од Р. Македонија, покрај Кочани и Свети Николе, кои беа посетени од жени претставнички на различни владини и граѓански структури од Молдавија и Романија.

Во рамки на Акциониот план за заштита од дискриминација на локално ниво на Општина Штип, кој беше донесен од Советот на Општина Штип, изготвен од Локалното координативно тело за заштита од дискриминација, што е дел од проект на Асоцијацијата за здравствена едукација Х.Е.Р.А и Општина Штип, финансиски поддржан од Холандска амбасада во Република Македонија, на 30 октоври во општината се одржа обука за стручните служби на основните и средните општински училишта на тема:„Родово базирано насилство“.

На 22 октомври 2018 година во Хотел Солун во Скопје беа презентирани резултатите од Индексот на родова рамноправност на општините во Република Македонија, подготвен од ЗГ Реактор – истражување во акција со поддршка на проектот од страна на УСАИД за граѓанско учество. На презентацијата учествуваа министерката за труд и социјална политика Мила Царовска, директорот на Државен завод за статистика Апостол Симовски, директорот на Канцеларијата за општи работи на УСАИД во РМ, Раул Гонзалес, претставници од здруженија на граѓани, како и координатори за еднакви можности на општините. Од Општина Штип присутни беа координаторот Снежана Санева и заменик координаторот за еднакви можности Марина Митревска.